ادیوگ بیوپار پرتیندھی منڈل نے آج نئے سال کی خوشی کے موقع پر بھائی چارہ سمیلن کا اہتمام کیا۔ جس میں ضلع بھر سے تمام فرقوں سے تعلق رکھنے والے بیوپاریوں نے شرکت کی اور مل کر بھائی چارے کے نعرے لگائے۔
بھارتی جنتا پارٹی کے ضلع نائب صدر راجیو مانگلک نے سی اے اے اور این آر سی کے بارے میں بتاتے ہوئے کہا کہ جو غیر ملکی تھے وہ 1947 میں بھارت سے چلے گئے۔ اب بھارت میں جو بھی مسلمان ہیں وہ بھارت کے باشندے ہیں۔
انہوں نے کہا کہ مسلمانوں کو خوفزدہ ہونے کی ضرورت نہیں ہے کیونکہ وہ ملک میں حصہ دار ہیں کرایہ دار نہیں اور وہ ورغلانے والوں سے ہوشیار رہیں۔
پروگرام کے مہمان خصوصی پولیس کپتان ڈاکٹر اجئے پال شرما نے کہا کہ رامپور کے عوام امن پسند ہیں وہ ہمیشہ پولیس کو تعاون دیتے ہیں، سنہ 2019 میں کئی معاملے ایسے آئے جو رامپور کے امن کو خراب کر سکتے تھے لیکن عوام نے صبر کا دامن نہیں چھوڑا۔
ساتھ ہی انہوں نے یہ بھی کہا کہ ضلع کے امن کو برباد کرنے والوں کو بخشا نہیں جائے گا۔
تنظیم کے قومی صدر سندیپ اگروال سونی نے میڈیا سے خطاب کرتے ہوئے کہا کہ پورے ملک میں بھائی چارہ سمیلن کا انعقاد کرکے امن و امان قائم رکھنے کی تحریک چلائے گی۔ خاص طور پر عوام میں ہم آہنگی اور اتحاد کو فروغ دیا جائے گا۔
