اس طوفانی آندھی سے آم اور تربوز کی فصل کو بھی نقصان پہنچنے کا انیشہ ہے۔ حالانکہ اطمنان بخش بات یہ ہے کہ طوفانی آندھی سے کسی کے جانی نقصان کی کوئی اطلاع نہیں ہے۔
رامپور اور اس کے ارد گرد کے اضلاع میں آئی طوفانی آندھی اور بارش سے رامپور ضلع میں زبردست مالی نقصان ہونے کی اطلاعات موصول ہوئی ہیں۔ شہر میں کئی مقامات پر درخت اور دیواریں وغیرہ گرنے سے موٹر گاڑیوں اور بسوں کو شدید نقصان پہنچا ہے۔
کئی مقامات پر درخت گرنے کی وجہ سے آمد و رفت کا سلسلہ بھی ٹھپ ہو گیا تھا۔ جس کی وجہ سے لوگوں کو کئی طرح کی مشکلات کا سامنا کرنا پڑا۔
وہیں جگہ۔ جگہ بجلی کے تار ٹوٹنے سے کئی گھنٹوں کے لئے بجلی سپلائی بھی بند ہو کر رہ گئی۔ اس کے ساتھ ہی آندھی اور بارش کے سبب پورے ضلع میں بجلی گھروں سے بجلی سپلائی بھی تھوڑی دیر کے لئے بند کر دی گئی۔
کئی مکانوں پر پڑے ٹین شیڈ طوفان کی زد میں آنے سے اڑ گئے۔ حالانکہ اطمنان بخش بات یہ ہے کہ کہیں سے بھی کوئی جانی نقصان کی کوئی اطلاع نہیں ہے۔
بے موسم بارش اور طوفانی آندھی سے کھیتوں میں تیار کھڑی فصلوں کو شدید نقصان پہنچنے کی اطلاع ہے۔ وہیں تربوز اور آم کی فصل کی کو بھی شدید نقصان پہنچنے کا امکان ظاہر کیا جا رہا ہے۔
رامپور میں سوار بس اسٹینڈ پر کھڑی ہوئی بسوں پر لمبے اور بھاری درخت گرنے سے بسوں کو شدید نقصان پہنچا ہے۔ یہ بسیں رامپور سے تحصیل سوار کے لئے چلتی ہیں، لیکن آج کل لاک ڈاؤن کی وجہ سے یہ یہیں رکی کھڑی تھیں۔ ان تین بسوں پر دو درخت گرنے سے بس کی پیچھے سے باڈی دب گئی اور اس کے گلاس بھی ٹوٹ گئے۔
