اترپردیش کے ضلع ہردوئی میں آج صبح گاؤں کے باہر آشرم بنا کر تنہائی میں رہ رہے ایک سادھو اور اس کے ساتھ رہنے والی سادھوی اور سادھو کے بیٹے کا نامعلوم افراد نے اینٹ پتھر سے کچل کر قتل کردیا۔
تینوں کی لاشیں مکان کے باہر چار پائی پر پڑی ملی ہیں۔ آشرم میں سادھو۔سادھوی اور اس کے بیٹے کے قتل کے بعد پورے علاقے میں سنسنی پھیل گئی۔
پولیس زمینی تنازع اور دیگر نکات پر پورے معاملے کی جانچ میں لگی ہوئی ہے لیکن ابھی کسی بھی نتیجے پر نہیں پہنچی ہے۔ محکمہ فارنسک کی ٹیموں سے لے کر پولیس کے بڑے افسران موقع پر موجود ہیں۔
ایس پی امت گپتا نے کہا کہ ہردوئی کے ٹڈیاوا علاقے کوا مئو گاؤں کے باہر آشرم بنا کر رہ رہے سادھو ہیرا داس، ان کے ساتھ رہنے والی سادھوی میرا داس اور بیٹے چیترا م کی لاشیں آشرم میں ہی باہر چارپائی پر ملی ہیں۔ پولیس پورے معاملے کی تحقیق کررہی ہے۔
