واضح رہے کہ اس بار کئی دفعہ تاریخ میں توسیع کی گئی ہے کیونکہ حج فارم بہت ہی کم لوگ داخل کر رہے ہیں۔
اس کے ساتھ ہی پاسپورٹ جاری ہونے کی تاریخ میں بھی تبدیلی کی گئی ہے، اب پاسپورٹ جاری ہونے کی تاریخ 23 دسمبر 2019 یا اس سے پہلے کا ہو اور پاسپورٹ کی تاریخ 20 جنوری 2021 تک ہونا ضروری ہے۔
اگر اُتر پردیش حج کمیٹی کی بات کریں تو یہاں ابھی تک تقریباً 26 ہزار سے زائد فارم آ چکے ہیں، جبکہ اترپردیش میں حج کوٹے کی سیٹ 32 ہزار سے کچھ زیادہ ہیں۔
یو پی حج کمیٹی کے سیکریٹری نے بیان جاری کر کے کہا کی جن لوگوں کو مقدس سفر پر جانا ہو اور ابھی تک اُن کے پاسپورٹ نہیں بن پائے ہوں تو لکھنؤ، بریلی اور غازی آباد کے پاسپورٹ افسران کو ہدایت جاری کردی گئی ہیں کہ وہ حجاج کرام کے سہولت کے لیے جلد از جلد پاسپورٹ جاری کریں۔
اس کے علاوہ جن لوگوں کو کسی وجہ سے آن لائن فارم بھرنے میں پریشانی ہو رہی ہو اور وہ 23/ 12/ 2019 تک فارم نہ داخل کر پائیں وہ بھی حج کمیٹی آف ممبئی کی ویب سائٹ پر موجود 'اسپیس یمن فارم' کو داخل کرکے اتر پردیش حج کمیٹی کو دے دیں، اس فارم کو جمع مانا جائے گا۔
