جی ایس ٹی ٹیم کے مطابق ٹیکس چوری کے اس کھیل میں ٹھیکیداروں کے ساتھ ساتھ ریل محکمہ اور ریل کے افسران بھی شامل ہیں۔ اچانک مارے گئے اس چھاپے سے ریل محکمہ کے افسران کافی ناراض دکھے۔ شاید اس چھاپہ سے ان کی پول کھل گئی ہے۔
گٹکا پان مسالہ گودام پر اینٹی نارکوٹکس سیل کا چھاپہ
جی ایس ٹی ٹیم کو کافی دنوں سے اس بات کی اطلاعات مل رہی تھیں کہ دلی سے کانپور ٹرین کے ذریعے سے آنے والے مال میں بڑے پیمانے پر ٹیکس کی چوری ہو رہی ہے۔ آج جی ایس ٹی ٹیم جیسے ہی کانپور سنٹرل اسٹیشن کے سات نمبر پلیٹ فارم پر کالندری ایکسپریس پہنچی ٹیم نے اس کے گڈس ویگن پر چھاپا مار دیا اور 47 پارسل کو اپنے قبضے میں لے لیا۔
جب جی ایس ٹی افسران نے ٹھیکیداروں اور ریل افسران سے اس پارسل کے رسید مانگے تو وہ نہیں دکھا سکے۔ اس کے بعد جی ایس ٹی افسران نے سبھی پارسل کو اپنے قبضے میں لے لیا۔ جس پر ریل محکمہ کے افسران اور جی ایس ٹی ٹیم کے بیچ میں کہاں سنی ہوگئی۔
جیسے ہی ریل محکمہ کے افسران کی پول کھلنے لگی اسی وقت دونوں میں تکرار ہونے لگی۔ ریلوے سی ٹی ایم کا کہنا تھا کہ جس طریقے سے جی ایس ٹی ٹیم نے چھاپا مارا ہے اس کی اطلاع ہم کو نہیں دی گئی۔ ریلوے سی ٹی ایم کا کہنا ہے کہ ریل محکمہ کے بھی کچھ قائدے قانون ہیں اس کے مطابق چھاپے ماری کی جانی چاہیے۔ جی ایس ٹی ٹیم کو چاہیے کہ وہ پہلے ہم سے اجازت لے پھر ہمارے تعاون سے چھاپے ماری کرے۔
ریل کے افسر بھلے قانون کی بات کریں کہ ٹیم کو ان سے اجازت لینا چاہیے لیکن یہ بات صاف ہے کہ جب تک جی ایس ٹی ٹیم کو اجازت ملے گی تب تک ریل کے افسران ٹیکس چوری سے آرہے مال کو ادھر ادھر کر دیں گے یا پھر اس ویگن کو کانپور میں کھولیں گے ہی نہیں اور اسے آگے پھر کسی دوسرے اسٹیشن پر اتار کر واپس پھر کانپور منگا لیں گے۔
