گرین گینگ پتر پکش کے موقع پر مردہ گھروں میں شجرکاری کرے گا. گرین گینگ کی کوشش ہے کہ لوگ شجرکاری کو مذہبی روایت سے جوڑیں تاکہ ماحولیات کو بہتر بنایا جاسکے۔
گرین گینگ نے جمعہ کو شروع ہوئے پتر پکش کے موقع پر اس مہم کا آغاز کیا۔ بارہ بنکی میں گرین گینگ کی اس مہم کا آغاز رکن پارلیمان اوپیندر راوت نے کیا۔
اوپیندر راوت نے برگد کا پیڑ لگاتے ہوئے گرین گینگ کے اس نئے نظریہ کی تعریف کی۔
قابل ذکر ہے کہ پتر پکش ہندو طبقے کی وہ مذہبی روایت ہے جس میں مرحوم آباؤ اجداد کو خراج عقیدت کے لئے دریا اور تالابوں میں مچھلیوں اور دیگر آبی جانوروں کے لیے دانہ ڈالتے ہیں. جس سے پانی کے جانور اس دانہ کو کھائیں اور اس کا ثواب مرحوم آباؤ اجداد کی روحوں کو پہنچے۔
گرین گینگ کی کوشش ہے کہ لوگ اس رسم کو اپنے عقیدے کے ساتھ جوڑتے ہوئے برگد کا پیڑ لگائیں جس میں چڑیوں کے لئے کھانے کی بہت سی چیزیں ہوتی ہیں. گرین گینگ پتر پکش کے 15 دنوں تک ہر مردہ گھر میں ایک برگد کا درخت لگائے گا۔
