کانپور میں وکیلوں کا زبردست ہنگامہ

اتر پردیش کے کانپور میں وکیلوں کا ہنگامہ ان دنوں عروج پر ہے،گزشتہ روز کانپور کے نو بستہ علاقے میں ایک ریستوراں میں اس کے مالک سے کسی بات پر اختلاف ہونے پر وکلا نے ہنگامہ اور توڑ پھوڑ کی تھی۔

وکلا کے ذریعہ کی گئی توڑ پھوڑ کی حرکتیں وہاں لگے سی سی ٹی وی کیمرے میں قید ہو گئی۔ اس کے ساتھ ہی کچھ وکیلوں نے ریستوراں کے مالک کے خلاف ایف آئی آر درج کرائی تھی،بعد ازاں ریستوراں کے مینیجر نے وکلا کے خلاف مقدمہ درج کرد دیا۔

اسی کے خلاف وکیلوں کی ایک بڑی تعداد نے اس مقدمے کو واپس لینے کا دباو بنانے اور روڈ جام کرنے کے علاوہ پولیس پر پتھراو بھی کر دیا۔

جام کو کھلوانے کی کوشش کرتے ایک سپاہی کے ساتھ وکلاء نے مارپیٹ کی، ایس ایس پی آفس کا گیٹ توڑ دیا اور ایس ایس پی آفس میں لگے سی سی ٹی وی کیمرے بھی توڑ دیئے۔

ایس ایس پی کا کہنا ہے کہ جن وکلاء نے ایس ایس پی آفس کے باہر گیٹ اور سی سی ٹی وی توڑا ہے ان کی شناخت کرکے ان پر قانونی کاروائی کی جائے گی۔