ہردوئی: اترپردیش کے ضلع ہردوئی کے تڑیاواں علاقے میں ہفتہ کو گنے کے کھیت میں ایک لڑکی کی لاش ملنے سے ہلچل مچ گئی۔ پولیس ذرائع نے بتایا کہ ٹڑیاواں تھانے کے مراد پور گاؤں میں راشد کے گنے کے کھیت میں آج صبح ایک لڑکی کی لاش ملی ہے۔ موقع پر پہنچی پولیس نے لاش کی شناخت کرانے کی کوشش کی۔ جنگلی جانوروں نے لاش کو نقصان پہنچایا ہے۔ پولیس کے مطابق لاش پانچ چھ دن پرانی معلوم ہوتی ہے۔ مقامی افراد نے شبہ کا اظہار کیا ہے کہ لڑکی کے ساتھ عصمت دری کرنے کے بعد اس کے قتل کیا گیا اور لاش کو گنے کے کھیت میں پھینک دیا گیا ہے۔ لاش کا پنج نامہ کرنے کے بعد پوسٹ مارٹم کے لئے بھیج دیا گیا ہے۔Girl's Body Found in Hardoi
دوسری جانب ضلع مرزاپور کے شہر کوتوالی علاقے میں واقع ضلع چائلڈ کیئر ہوم سے ہفتہ کی علی الصبح تین بچے چھت توڑ کر فرار ہوگئے جن میں سے دو کو پولیس نے ضلع پریاگ راج کے مانڈا سے گرفتار کرلیا ہے۔ اڈیشنل سپرنٹنڈنٹ آف پولیس شری کانت پرجاپتی نے ہفتہ کو بتایا کہ مورچہ گھر محلے میں واقعہ چائلڈ کیئر ہوم جو ضلع پرمیشن افسر کے ماتحت کام کرتا ہے۔ آج صبح پروبیشن افسر کے ذریعہ رپورٹ درج کرای گئی کہ صبح چھت پر لگی ٹین شیڈ کو توڑ کر رتک، گولی اور منوج فرار ہوگئے ہیں۔ تینوں چوری کے الزام میں بند تھے۔ انہوں نے بتایا کہ واردات کے بعد تین ٹیمیں بنا کر تلاش بین شروع کی گئی۔ پریاگ راج ضلع کے مانڈا سے دو بچوں کو گرفتار کیا گیا ہے۔ ایک ابھی بھی فرار ہے۔ اسے بھی جلد ہی گرفتارکرلیا جائے گا۔ ادھر ضلع انتظامیہ نے کیئر ہوم کے افسر و ملازمین کے خلاف کاروائی شروع کردی ہے۔
یو این آئی
