'ٹیلیفونک چھیڑ چھاڑ بنی خودکشی کی وجہ'

ریاست اتر پردیش کے بہرائچ کے تھانہ قیصر گنج میں لڑکی کی لاش چھت سے لٹکی ہوئی ملی ہے۔

بتایا جا رہا ہے کہ 'ٹیلی فونک چھیڑ چھاڑ سے پریشان ہو کر لڑکی نے خود کو پھانسی لگا لی۔ جس کی وجہ سے گھر میں چیخ و پکار مچ گئی ۔ اہل خانہ کا رو رو کر برُا حال ہے۔'

لڑکی کے والد کی تحریر پر گاؤں کے ایک نوجوان کے نام خود کشی کے لئے مشتعل کرنے کی دفعات کے تحت مقدمہ درج کیا گیا ہے۔

مقتول کے والد کا الزام ہے کہ 'گاؤں کا ایک نوجوان جو کہ پونا (مہاراشٹر) میں رہ رہا ہے موبائل پر فون کر کے اس سے چھیڑ چھاڑ کرتا تھا اور ہمیشہ ہراساں کرتا رہتا تھا جس سے پریشان ہو کر لڑکی نے اپنے آپ کو پھانسی پر لٹکا کر خودکشی کر لیا۔'

پولیس نے پوسٹ مارٹم کے بعد لاش کو گھروالوں کے حوالے کردیا ہے۔

فی الحال اس معاملے کی پولیس تحقیقات کر رہی ہے۔