اترپردیش میں جرائم پیشہ افرادوں کے حوصلہ دن بہ دن بلند ہوتے جارہے ہیں وہ بغیر کسی ڈر اور خوف کے واردات کو انجام دیتے ہیں اور موقع سے انتہائی اطمینان کے ساتھ فرار ہوجاتے ہیں ۔ ضلع غازی آباد میں منگل کے روز صنعتکار اجے پانچال کو اغوا کرکے انہیں قتل کردیا گیا ۔
پیر کی شام کو حج ہاؤس کے قریب صنعت کار کی کار لاوارث حالت میں کھڑی ہوئی ملی تھی اور آج صبح تھانہ لنک روڈ علاقہ میں ان کی لاش برآمد ہوئی۔ تار سے گلا گھونٹ کر ہلاک کئے جانے کا شبہ ظاہر کیا جارہاہے۔
صنعتکار کی صاحب آباد کے راجندر نگر انڈسٹریل علاقے میں بجلی کی کیبل بنانے کی فیکٹری ہے۔ وہ کل سہ پہر میں اچانک لاپتہ ہوگئے تھے۔
