اتر پردیش کے شو ونڈو نوئیڈا میں فلم سٹی کی تعمیر کو لے سرگرمیاں تیز ہوگئی ہیں اور اس حوالے سے اترپردیش کے وزیر اعلی یوگی آدتیہ ناتھ ایک اہم میٹنگ منعقد کریں گے۔ جس میں فلم سٹی بنانے کے لئے خاکہ تیار کیا جائے گا۔
وزیر اعلیٰ خود اس میٹنگ میں شریک ہوں گے۔ جس میں موسیقار ، فلمساز ، ہدایتکار ، آرٹسٹ، حکومت کے افسران سمیت تینوں حکام کے چیف ایگزیکٹو آفیسر شامل ہوں گے۔ گوتم بدھ نگر کے تینوں حکام نے اپنی اپنی تجاویز حکومت کو بھیج دی ہیں۔
تینوں حکام نے تجویز بھیج دی
- نوئیڈا اتھارٹی - 500 ایکڑ
- گریٹر نوئیڈا اتھارٹی۔ 550 ایکڑ
- یمنا اتھارٹی۔ 1 ہزار ایکڑ
کچھ ہی دیر میں ہونے والی اس میٹنگ میں یہ فیصلہ لیا جائے گا کہ کس کی تجویز کو منظور کیا جائے گا۔ کتنے ایکڑ میں فلم سٹی کی تعمیر کی جائے گی۔فلم سٹی کی لاگت سمیت تمام پہلوؤں پر فیصلہ لیا جائے گا۔
اس دوران حکومت کے اعلی عہدیداراں، فلم انڈسٹری سے وابستہ لوگ اور گوتم بدھ نگر کے تینوں حکام کے سی ای او بھی موجود رہیں گے۔وزیر اعلی نے اسے ملک کا سب سے بڑا فلمی سٹی بنانے کی تجویز پیش کی تھی۔ بالی ووڈ میں چل رہے ہنگاموں کے درمیان اترپردیش حکومت نے فلم سٹی بنانے کا فیصلہ لیا ہے۔
مجوزہ فلم سٹی نوڈا بین الاقوامی ہوائی اڈے سے 6 کلومیٹر دور ہے۔ یہ ایسٹرن پیریفرل ایکسپریس وے سے 12 کلومیٹر دور ہے۔ یہاں سے شوٹنگ کے لئے آسانی سے متھرا ، آگرہ ، جے پور جیسے شہروں میں جایا جاسکتا ہے۔
