اتر پردیش غازی آباد کے وجے نگر میں گئو رکشکو نے آج وجے نگر پولیس اسٹیشن میں ہنگامہ Gau Raksha Dal workers attempted suicide کیا اور پولیس پر الزام لگایا کہ علاقے میں گئوکشی کا معاملہ مسلسل سامنے آرہا ہے لیکن اطلاع دینے کے باوجود بھی پولیس ملزمان کے خلاف کارروائی نہیں کررہی ہے۔
اس دوران گئو رکشا کے دو کارکنوں نے اپنے اوپر مٹی کا تیل ڈال کر آگ لگانے کی کوشش کی تاہم بروقت پولیس نے دونوں پر پانی ڈال کر خود سوزی کرنے سے روک دیا اور یقین دلایا کہ گائے ذبح کرنے والوں کے خلاف سخت کارروائی کی جائے گی۔
اسی سلسلے میں گئو رکشا دل ٹیم کے درجنوں کارکن آج دوپہر وجئے نگر پولیس اسٹیشن پہنچے اور بتایا کہ 5 مارچ کو سدھارتھ وہار میں گئو کشی کی گئی لیکن پولیس ابھی تک اس معاملے میں ایک بھی ملزم کو گرفتار نہیں کرسکی ہے۔
مزید پڑھیں:
وہیں گئو رکشکوں نے مسلمانوں کے گوشت کے کاروبار کو ختم کرنے کے لئے وجے نگر پولیس اسٹیشن کے انچارج کو ایک میمورنڈم بھی سونپا جس میں انہوں نے مندروں کے آس پاس چلنے والے گوشت کی دکانوں کو بند کرنے کا مطالبہ کیا ہے۔
