امروہہ: نوگاوا سادات اسمبلی حلقہ سے فرقان امیدوار

امروہہ کے نوگاوا سادات اسمبلی حلقہ سے بہوجن سماجوانی پارٹی نے ضمنی انتحابات کے لئے فرقان احمد کو امیدوار بنانے کا اعلان کیا ہے ۔

ریاست اترپردیش کے ضلع امروہہ کے نوگاوا سادات اسمبلی حلقہ سے بہوجن سماجوانی پارٹی نے ضمنی انتحابات کے لئے فرقان احمد کو امیدوار بنانے کا اعلان کیا ہے ۔

اطلاعات کے مطابق ایم ایل اے اور کابینہ کے وزیر چیتن چوہان کی موت کے بعد نوگاوا سادات اسمبلی میں ضمنی انتخابات ہونے ہیں جس کی تیاری تمام پارٹیاں شروع کر دیں ہیں۔ حالانکہ الیکشن کمیشن کی جانب سے انتخابات کے پیش نظر ابھی تک کسی تاریخ کا اعلان نہیں کیا گیا ہے۔

وہیں بہوجن سماجوادی پارٹی نے نوگاوا اسمبلی میں ہونے والے ضمنی انتخاب کے لئے فرقان کو امیدوار بناتے ہوئے نوگاوا سادات اسمبلی کا انچارج بھی مقرر کیا ہے ۔ اس موقع پر شمش الدین راینی نے بھارتیہ جنتا پارٹی پر تنقید کرتے ہوئے کہا کہ ' موجودہ حکومت جھوٹ کی حکومت ہے، انہوں نے کہا کہ سب جانتے ہیں کہ اتر پردیش میں امن وامان کی صورتحال ٹھیک نہیں ہے۔ بی جے پی اور سماجوادی پارٹی صرف مذہب کی سیاست کرتے ہیں۔