Friendship Between Monkey and Dog: بندر اور کتے کی انوکھی دوستی

مظفر نگر میں ان دنوں سوشل میڈیا پر ایک ویڈیو وائرل ہورہا ہے جس میں ایک بندر اور کتے کے درمیان دوستی دیکھنے کو مل رہی ہے۔ اس انوکھی دوستی کی ہر کوئی تعریف کررہا ہے۔ Monkey and Dog Friendship

اتر پردیش: مظفر نگر میں ان دنوں سوشل میڈیا پر ایک ویڈیو سُرخیوں جگہ بنائے ہوئے ہے، سوشل میڈیا پر وائرل ویڈیو میں ایک بندر اور کتے کی دوستی موضوع بحث ہے۔ بندر گولو اور کتا کالو کے درمیان انوکھا پیار دیکھا جارہا ہے۔ کبھی گولو، کالو کی پیٹھ پر چھلانگ لگا کر سوار ہو جاتا ہے تو کبھی کالو، گولو کو پیار سے کاٹتا ہے گولو اور کالو ہمیشہ ایک ساتھ رہتے ہیں اور ایک دوسرے کے ساتھ شرارت کرتے ہیں۔ گولو بندر اپنے دوسے کالو کتے کو پریشان کرنے کا کوئی موقع نہیں چھوڑتا۔ Monkey and Dog Unique Friendship

بتایا جا رہا ہے کہ تین ماہ قبل بندر گولو خالد کباڑی نامی شخص کو سڑک کے کنارے زخمی حالت میں ملا تھا، خالد نے اس کا علاج کرایا اور اپنے گھر پہ رکھ لیا، اس دوران بندر کو جب خالد اپنے گھر لے آیا اور وہاں کالو نام کے کتے سے بندر کی رفتہ رفتہ دوستی ہوگئی۔ خالد مظفرنگر کی شہر کوتوالی علاقے کے گہرا باغ میں کباڑی کا کام کرتا ہے زیادہ تر وقت گولو اور کالو خالد کباڑی کے ساتھ ہی رہتے ہیں دونوں کی دوستی دیکھنے کے لئے خالد کباڑی کی دوکان پر ہمشہ ہجوم لگا رہتا ہے۔