سی ٹی اسکین کی سہولت مگر نیورولوجسٹ ندارد

ریاست اترپردیش کے ضلع بارہ بنکی کے رفیع احمد قدوائی میموریل ضلع ہسپتال میں طویل وقفے کے بعد سی ٹی اسکین کی سہولت شروع کی گئی ہے۔

ریاست اتر پردیش کے ضلع بارہ بنکی کے رکن پارلیمان اوپیندر سنگھ راوت نے مقامی ہسپتال میں سی ٹی اسکین کی مشین کا افتتاح کیا۔

افتتاحی تقریب میں انہوں نے کہا کہ 'مریضوں کے لیے سی ٹی اسکین کی سہولت بالکل مفت ہوگی۔ مریضوں کو اس مشین کے لگنے کے باوجود علاج کے لیے لکھنؤ جانا ہوگا کیوںکہ ہسپتال میں نیورولوجسٹ کی تقرری نہیں ہے۔

بارہ بنکی کے رفیع احمد قدوائی میموریل ضلع ہسپتال میں دستیاب اسکین مشین کی قیمت 2 کروڑ روپے ہے۔ اس میں مریضوں کی مفت جانچ کی جائے گی۔

اب دیکھنا یہ ہے کہ مفت میں سی ٹی اسکین کی سہولت کے باوجود نیورولوجسٹ کی تعیناتی کب ہوگی تا کہ غریب عوام کو الگ سے پیسہ خرچ کر کے لکھنؤ جانا نہ پڑے۔