ریاست اترپردیش کے ضلع کانپور کے تحصیل گھاٹم پور کے گاؤں گوپال پور میں ایک دل دہلا دینے والا واقعہ پیش آیا۔ بتا دیں کہ چھپر کے ایک گھر میں آگ لگنے سے ایک تین سالہ معصوم زندہ جل گیا۔ شدید طور پر جھلسی تین بہنوں میں سے ایک نے راستے میں ہی دم توڑ دی، جبکہ ایک کی حالت تشویشناک ہے۔ ہیلٹ ہسپتال میں علاج جاری ہے۔
بتا دوں کہ تحصیل گھاٹم پور کے گاؤں گوپال پور کا رہائشی سنت رام مزدوری کرتا ہے۔ بیوی رادھا کے ساتھ کھیت میں گندم کی فصل کاٹنے گیا تھا۔ گھر میں اس کے بچے ایک دوسرے کے ساتھ کھیل رہے تھے۔ گھر میں اچانک آگ بھڑک اٹھی، آگ لگنے کی وجوہات کا ابھی پتہ نہیں چل سکا ہے۔
چھپر اور لکڑی سے بنے مکان میں آگ تیزی سے پھیلی اور اندر موجود بچے آگ کی لپیٹ میں آگئے۔ آگ کی لپیٹ میں سنت رام کا ایک تین سالہ بچا آگیا اور وہ گھر کے اندر ہی جل کر مر گیا۔ بچوں کا رونا سن کر قریب ہی رہنے والے سنت رام کے بڑے بھائی کا لڑکا منفول آیا اور جدوجہد کرنے کے بعد وہ سنت رام کی جڑواں بیٹیوں سیتا (5)، گیتا (5) اور ریتا (2) کو باہر نکالا۔ حادثے کی اطلاع ملنے پر گاؤں کی بھیڑ موقع پر جمع ہوگئی۔
اطلاع ملنے پر تحصیلدار وجے یادو، انسپکٹر سچیدا نند یادو فائر بریگیڈ کے ساتھ پہنچے۔ آگ سے جھلسی بچیوں کو لے کر گھاٹم پور سی ایچ سی میں داخل کرایا گیا، جہاں تینوں کو ابتدائی علاج کے بعد ہیلٹ ریفر کردیا گیا ہے۔ راستے میں ہی ریتا کی موت ہوگئی، وہیں ایک کی حالت بہت تشویشناک ہے۔
