اس سلسلے کی کڑی میں بنارس و اطراف کے علاقوں میں گذشتہ کچھ برسوں میں تیسرے مدرسے کے سنگ بنیاد رکھ کر علاقے کے لوگوں میں یہ باور کرایا کہ دعوت اسلامی نہ صرف دینی تعلیم پر زور دے رہی ہے بلکہ دنیاوی تعلیم کا بھی درس دیتی ہے۔
اس سلسلے میں بنارس سے متصل رام نگر علاقے میں واقع ہے کٹیسر میں تیسرے مدرسے کا سنگ بنیاد رکھ کر علاقے کے لوگوں کو دینی و دنیاوی تعلیم دینے کا عزم مصمم کیا ہے۔
اس موقع پر ایک عظیم الشان کانفرنس کا بھی انعقاد کیا گیا جس میں معروف دینی تعلیمی ادارہ الجامعۃ الاشرفیہ کے مفتی بدر عالم نے خطاب کیا، وہیں سنگ بنیاد مولانا عبدالمبین نعمانی نے رکھا جبکہ شعراء نے نعت و منقبت پیش کی۔
مولانا یامین رضا عطاری نے کہا کہ 'دعوت اسلامی کا نعرہ ہے کہ اپنی اور پوری دنیا کی اصلاح کرنی ہے۔ اس نعرے کو حقیقت میں تبدیل کرنے کے لیے دعوت اسلامی کے اراکین ہمہ وقت کوشاں رہتے ہیں۔ اسی حوالے سے اس علاقے میں مدرسے کا سنگ بنیاد رکھا گیا ہے جو نہ صرف دینی تعلیم سے طلباء کو آراستہ کرے گا بلکہ دنیاوی تعلیم بھی مہیا کرے گا۔
انہوں نے کہا کہ دعوت اسلامی نے انٹر اسکول اور ہائی اسکول کی مارکشیٹ بھی دینے کا عزم کیا ہے اور اس کے مولانا آزاد یونیورسٹی سے اپنے مدارس کو الحاق کر گریجویشن ڈگری دینے کا بھی اہتمام کیا ہے۔
