ریاست اترپردیش کے ضلع میرٹھ میں آج سیاسی جماعت انڈین یونین مسلم لیگ کے یوم تاسیس کے موقع پر ایک پروگرام منعقد کیا گیا۔ اس دوران پارٹی کے مقصد کو بیان کرنے کے ساتھ ہی مختلف ریاستوں میں ہونے والے اسمبلی انتخابات میں تبادلہ خیال کیا گیا۔
مسلم لیگ کے ممبران کا کہنا ہے 'مسلم لیگ جماعت صرف مسلمانوں کی ہی جماعت نہیں بلکہ سبھی مذاہب کے لوگ اس پارٹی میں شامل ہیں۔ پارٹی کی جانب سے ملک کے مختلف مسائل جیسے این آر سی اور سی اے اے کے خلاف پر زور طریقے سے احتجاجی مظاہرے بھی کیے گئے۔ مستقبل میں بھی پارٹی کی جانب سے اس طرح کے قوانین کی مخالفت جاری رہے گی'۔
یہ بھی پڑھیے
ممتا بنرجی پر حملے کی الیکشن کمیشن نے رپورٹ طلب کی
اترپردیش انڈین یونین مسلم کے جنرل سیکریٹری ایڈووکیٹ محمد اویس نے کہا 'انڈین یونین مسلم لیگ کو قائم کرنے کا مقصد بھی یہی تھا کہ ملک میں سبھی مذاہب کے لوگوں کو ساتھ میں رکھ کر مسائل کا حل ناکالا جائے، تاکہ ملک میں اتحاد قائم رکھنے کے ساتھ ہی آپسی اختلافات کو ختم کیا جا سکے'۔
