ریاست اترپردیش کے ضلع میرٹھ میں واقع چودھری چرن سنگھ یونیورسٹی سے ملحقہ درجنوں کالجز کے طلبا و طالبات نے سماج میں پھیلی مختلف برائیوں پر ڈرامائی انداز میں اسے ختم کرنے کے لیے لوگوں کو بیدار کیا۔ جن میں بھارتی سیاست اور عوام کی ذمہ داریاں، اطفال مزدور، خواتین کی تحفظ، شراب نوشی کے مضر اثرات وغیرہ شامل تھے۔
مختلف سماجی موضوعات پر ڈرامہ
مختلف سماجی موضوعات پر ڈرامہ
اس موقع پر شعبہ اردو کے پروفیسر ڈاکٹر اسلم جمشید پوری نے بتایا کہ نوجوانوں کو سماجی مسائل کے حل کی جانب ڈرامہ کے ذریعے مرغوب کیا جا رہا ہے تاکہ ملک کی تعمیر و ترقی میں نمایاں کردار ادا کر سکیں۔
انہوں نے کہا کہ ڈرامہ طلبا و طالبات کی تخلیقی صلاحیت کو بھی اجاگر کرتا ہے اور سماج میں بہتر پیغام پیش کرتا ہے۔ اسی وجہ سے یونیورسٹی کے یوم تاسیس کے موقع پر اس نوعیت کے پروگرام کا انتخاب کیا گیا، جس میں سینکڑوں افراد نے شرکت کی۔
