میرٹھ: بہوجن سماج پارٹی کے سابق وزیر یعقوب قریشی کو جمعہ کی دیر رات دہلی کے چاندنی محل تھانہ علاقے سے گرفتار کیا گیا۔ پولیس نے یعقوب قریشی کے بیٹے عمران کو بھی گرفتار کیا ہے۔ غیر قانونی میٹ پلانٹ چلانے کے کیس میں یعقوب اور عمران پر 50-50 ہزار کا انعام تھا۔ یہ دونوں تقریباً 9 ماہ سے مفرور تھے۔ حال ہی میں سابق وزیر اور ان کے بیٹے پر 25-25 ہزار روپے کی انعامی رقم بڑھا کر 50-50 ہزار روپے کر دی گئی تھی۔ سابق وزیر یعقوب قریشی اور ان کے بیٹے عمران کو پولیس نے جمعہ کی رات تقریباً 2 بجے دہلی کے چاندنی محل تھانہ علاقے سے گرفتار کیا۔ اب تک جو کچھ سامنے آیا ہے اس کے مطابق یعقوب اور ان کا بیٹا عمران دہلی میں ایک فلیٹ کرائے پر لے کر ساتھ رہ رہے تھے۔ پولیس 9 ماہ سے یعقوب اور ان کے بیٹوں کی تلاش میں تھی۔ جب کہ ایک بیٹے کو پولیس نے نومبر میں گرفتار کیا تھا۔ Yaqoob Qureshi Arrested from Chandni Mahal
ایس پی کرائم انیت کمار نے تصدیق کی ہے کہ کھرکھودہ پولیس ابھی تک سابق وزیر اور ان کے بیٹے کے ساتھ کھرکھودہ تھانے نہیں پہنچی ہے۔ یہ پورا معاملہ تھانہ کھرکھودہ علاقہ سے متعلق ہے۔ واضح رہے کہ سابق وزیر یعقوب قریشی اور ان کے بیٹے عمران پر الزام ہے کہ وہ بند میٹ پلانٹ میں غیر قانونی طور پر گوشت پروسیسنگ کا کاروبار کر رہے تھے۔ گینگسٹر ایکٹ کے تحت یعقوب اور خاندان کی کروڑوں کی جائیداد بھی ضبط کی گئی ہے۔ جب کہ ان کے غیر قانونی اثاثوں کی تفصیلات بھی جمع کی جا رہی ہیں۔ unlicensed business of meat Case on Yaqoob Qureshi
یہ بھی پڑھیں: Firoz Qureshi Arrested From Ghaziabad یوپی کے سابق وزیر حاجی یعقوب کے فرزند فیروز قریشی گرفتار
واضح رہے کہ 31 مارچ 2022 کو پولیس نے ہاپوڑ روڈ پر یعقوب قریشی کی فیکٹری میں غیر قانونی پیکنگ کا انکشاف کیا۔ اس معاملے میں یعقوب، ان کی بیوی، بیٹے فیروز، عمران، منیجر موہت تیاگی سمیت 17 لوگوں کو نامزد کیا گیا تھا۔ اس کے بعد پولیس نے پہلے یعقوب اور ان کے خاندان کے خلاف گینگسٹر کا مقدمہ درج کیا تھا۔ اس کے بعد انعام کا اعلان بھی ہوا۔ گینگسٹر کے تحت یعقوب کی 26 مقامات پر کروڑوں روپے کی جائیداد ضبط کرنے کی تیاریاں بھی جاری ہیں۔
