اتراکھنڈ اور میزورم کے سابق گورنر ڈاکٹر عزیز قریشی اترپردیش کے شہرمرادآباد پہنچے
مرادآباد کے عیدگاہ میدان میں گذشتہ 24 ایام سے جاری احتجا جی مظاہرے سے خطاب بھی کیا۔
واضح رہے کہ مرادآباد میں گذشتہ 24 دنوں سے شہریت ترمیمی قانون ( سی اے اے ، این آر سی اور این پی آر) خلاف مسلسل احتجاجی مظاہرے جاری ہیں۔
سابق گورنر نے احتجا جی مظاہرے سے خطاب کرتے ہوے کہا کہ وزیر داخلہ امیت شاہ ، وزیراعظم نریندر مودی اور آر ایس ایس کی کوشش ہے کہ اس ملک کو ہندو راشٹر بنادیا جائے۔انہوںنے کہا کہ ان کے اس منصبوبہ کو کامیاب نہیں ہونے دیا جائیگا۔
انہوں نے مزید کہا کہ دستور کی دھجیاں اڑائی گئیں۔
انہوں نے کہا کہ نریندر مودی ،امت شاہ یہ سوچ رہے ہیں کہ مسلمانوں کو ڈرادینگے مگر مسلمان تو صرف اللہ سے ڈرتا ہے۔
انہوں نےکہا کہ وہ یہ چاہتے ہیں کہ مسلمان انہیں ثبوت پیش کرے یہ تو ان کے آباواجداد کے بس کی بات نہیں ہے۔ انہوں نے مزید کہا کہ امیت شاہ اورنریندر مودی کو تاریخ کا مطالعہ کرنا چاہیے۔ تب انہیں معلوم ہوگا کہ مسلمانوں نے ہندوستان کے لئے کتنی قربانیاں دیں ہیں۔
