آگرہ: انگلینڈ سے تاج محل دیکھنے آئے ایک بلاگر کی اتوار کو تاج محل میں ایک قیمتی ڈیوائس کھو تھی جس کے بعد بلاگر کافی پریشان ہوگیا اور اس بلاگر نے ٹورزم تھانے سے مدد مانگی۔ تھانہ ٹورزم پولیس غیر ملکی مہمان کی ڈیوائس کی تلاش میں مصروف ہوگئی۔ ٹورزم تھانے کو دس منٹ میں غیر ملکی بلاگر کی ڈیوائس مل گئی۔ اپنے گمشدہ ڈیوائس کو ڈھونڈنے پر، بلاگر نے ٹورزم پولیس اسٹیشن کی چوکسی اور ان کی مدد کے لیے شکریہ ادا کیا۔ اس نے کہا واہ تاج! شکریہ ٹورسٹ پولیس۔ واضح رہے کہ تاج محل کو دیکھنے کے لیے ہر روز ہزاروں ملکی و غیر ملکی سیاح آتے ہیں۔ ہر کوئی تاج محل دیکھنے کے ساتھ ساتھ اپنی یادیں بھی محفوظ کرنا چاہتا ہے۔ سیاح بہت زیادہ فوٹوگرافی اور ویڈیو گرافی کرتے ہیں۔ ویک اینڈ پر سیاحوں کی تعداد 25 ہزار سے تجاوز کر جاتی ہے۔ Foreign Tourist Visit Taj Mahal
غیر ملکی بلاگر پیس اتوار کو انگلینڈ سے تاج محل دیکھنے کے لیے آگرہ پہنچے۔ تاج محل کی دیدار کے دوران بلاگر پیس کا مہنگا مائیک ڈیوائس اور ایئر فون گُم ہوگیا۔ بلاگر پیس نے اس کی تلاش کی لیکن اسے یہ سامان نہیں ملا۔ اس کے بعد اس نے ٹورزم پولیس سے مدد کی درخواست کی۔ غیر ملکی بلاگر کی پریشانی دیکھ کر ٹورزم پولیس کی ٹیم نے مستعدی اور چوکسی کا مظاہرہ کیا اور کچھ دیر بعد ٹورزم پولیس کو بلاگر کا مائیک ڈیوائس اور ایئر فون مل گیا جس کے بعد ٹورزم پولیس ٹیم نے گمشدہ سامان کو بلاگر پیس کے حوالے کر دیا۔ گُم شدہ سامان ملنے پر بلاگر پیس خوشی سے اچھل پڑے۔ بلاگر پیس کے چہرے پر مسکراہٹ تھی۔ بلاگر پیس نے خوشی سے کہا واہ تاج! ویلڈن ٹورسٹ پولیس۔ تمام بھارتی اچھے انسان ہیں۔ میں ان کا تہہ دل سے شکریہ ادا کرتا ہوں۔ بلاگر پیس نے ٹورزم پولیس کی تعریف کی اور شکریہ ادا کیا۔ غیر ملکی بلاگر کی مدد کے لیے کانسٹیبل دیپک کمار، کانسٹیبل انیل کمار یادو ٹورزم اسٹیشن انچارج رینا چوہدری کے ساتھ موجود تھے۔ Foreign Tourist Visit Taj Mahal
یہ بھی پڑھیں : Taj Mahal Security Lapse تاج محل کی سکیورٹی میں لاپرواہی
