تاج محل کے احاطے میں جمعرات کے روز آندھراپردیش سے تعلق رکھنے والے ڈرائیور نے پانچ سالہ بچی کے ساتھ چھیڑچھاڑ اور بدتمیزی کی۔بچی ممبئی سے اپنے اہل خانہ کے ساتھ تاج محل گھومنے آئی تھی۔جب وہ باغ میں کھیل رہی تھی، تب اس کے ساتھ یہ واقعہ پیش آیا۔بچی کے شور مچانے پر اہل خانہ نے ملزم ڈرائیو کر پکڑ لیا اور وہاں موجود سی آئی ایس ایف کے جوان کے حوالے کردیا۔
سی آئی ایس ایف نے ملزم کو حراست میں لے کر اسے ٹورزم پولیس کے سپرد کردیا ہے۔حالانکہ متاثرہ خاندان نے ملزم کے خلاف کوئی تحریر نہیں دی ہے۔اس پر پولیس نے امن و امان کو نقصان پہنچانے کے سلسلے میں ملزم کے خلاف کارروائی کرتے ہوئے اسے گرفتار کرلیا ہے۔
مہاراشٹر کے ممبئی سے تعلق رکھنے والا ایک جوڑا اپنی پانچ سالہ بیٹی کے ساتھ تاج محل کا دورہ کرنے آیا تھا۔بچی تاج محل کے احاطے میں ہی کھیل رہی تھی۔تبھی شیخ آصف نامی ایک شخص نے اسے پکڑ لیا۔ملزم نے اس کے ساتھ بدتمیزی کی۔ جس کے بعد بچی نے شور مچا کر اس کی مخالفت کی۔بیٹی کی آواز سن کر بچی کے والدین نے ملزم نے کو پکڑ لیا اور اسے پولیس کے حوالے کردیا۔وہیں ملزم نے پولیس کو بتایا کہ وہ بچی کے ساتھ کھیل رہا تھا، لیکن ایسا الزام عائد کیا جائے گا میں نے سوچا نہیں تھا۔
سی آئی ایس ایف کے جوانوں نے ملزم کو حراست میں لے لیا ہے۔اطلاع ملنے پر پہنچی ٹورزم پولیس نے اہل خانہ کو شکایت درج کرانے کی بات کہی تب اہل خانہ نے اس سے انکار کردیا۔ٹورزم پولیس انچارج اقبال حیدر نے بتایا کہ ملزم شیخ آسف آندھراپردیش کا رہائشی ہے۔وہ ایک کار ڈرائیور ہے۔وہ ایک سیاح کے ساتھ تاج محل آیا تھا۔ملزم کے خلاف امن و امان کو نقصان پہنچانے کے لیے کارروائی کی گئی ہے۔اسے جمعہ کے روز عدالت میں پیش کیا جائے گا۔
