ریاست اترپردیش کے وزیراعلی یوگی آدتیہ ناتھ کے راجستھان کے کوٹہ سے ریاست کے طلبہ کو واپس ان کے گھروں کو لانے کے حکم پر عمل درآمد کے تحت بسیز کے پہلے قافلے میں 19 طلبہ اٹاوہ پہنچ گئے۔
ضلع مجسٹریٹ جتیندر بہارد سنگھ نے بتایا کہ 19 طلبہ شام چار بجے یہاں پہنچے ہیں، جبکہ اٹاوہ اور اس کے آس پاس کے علاقوں کے رہنے والے مزید طلبہ کے دیر رات تک یہاں پہنچنے کی توقع ہے۔
انہوں نے کہا کہ جو بھی طلبہ بسیز کے ذریعہ واپس آئے ہیں ان کو جانچ کے لیے شیلٹر ہوم میں رکھا گیا ہے، ان کی تھرمل سکریننگ کی جارہی ہے، اور چیک اپ کے بعد طلبہ کو ان کے گھروں تک پہنچانے کے لیے ضلع انتظامیہ بندوبست کررہا ہے۔
مسٹر سنگھ نے کہا کہ صرف 19۔20 طلبہ کو بس میں لایا گیا ہے۔ اس دوران سماج تال میل میں دوری کا پوراخیال رکھا گیا۔
طلبہ کے کھانے پینے کا بھی انتظام کیا گیا ہے، اگر کسی بھی طالب علم میں کورونا وائرس کے علامات پائے جاتے ہیں تو پھر اسے قرنطینہ میں رکھا جائےگا۔
متعلقہ پولیس سٹیشن اور ٹرانسپورٹ ڈپارٹمنٹ کو ہدایت دی گئی ہے کہ طلبہ کو ان کے گھروں تک پہنچانے کو یقینی بنائیں۔
ڈپٹی سی ایم او ڈاکٹر مہیش چندرا جو کہ طلبہ کے جانچ کو انجام دے رہے ہیں بتایا کہ ابھی تک کسی بھی طالب علم میں کورونا کے علامات نہیں پائے گئے ہیں۔
