ریاست اتر پردیش کے ضلع بریلی کے کوتوالی علاقے میں کمار ٹاکج کے قریب واقع پلاسٹک فرنیچر کی دکان میں شارٹ سرکٹ کی وجہ سے آگ لگ گئی۔
بتایا جا رہا ہے کہ 'آگ اتنی شدید تھی کہ دیکھتے ہی دیکھتے پوری دکان کو اپنی زد میں لے لیا۔'
دکان میں آگ لگنے سے علاقے میں خوف و ہراس کا ماحول ہے۔ راحت کی بات یہ ہے کہ کسی جانی نقصان کی کوئی خبر نہیں ہے۔
فرنیچر کی دکان میں آتشزدگی، لاکھوں کا مال خاکستر
دراصل رات 8:30 بجے شارٹ سرکٹ کے باعث دکان کے اندر اچانک آگ بھڑک اٹھی۔ آگ اتنی شدید تھی کہ آس پاس کی دکانوں میں بھی پھیل گئی۔
اطلاع ملتے ہی فائر بریگیڈ کی متعدد گاڑیاں موقع پر پہنچ گئیں، لیکن تب تک دکان کے سامان جل کر خاک ہو چکے تھے۔ کڑی مشقت کے بعد آگ پر قابو پایا گیا۔
یہ بھی پڑھیں: 'حکومت کا رخ نہیں بدلا تو نوجوان سرکار بدل دیں گے'
فی الحال پولیس معاملے کی تحقیقات کر رہی ہے۔
