ریاست اترپردیش کے ضلع مہوبہ میں رات گئے دکانوں میں اچانک آگ بھڑک اٹھی اور تقریباً ایک کروڑ سے زائد کا سامان تباہ و برباد ہوگیا۔
اس آتشزدگی میں 11 چھوٹی بڑی دکانیں، کار اور ایک بھوسہ گودام مکمل طور پر جل کر خاک ہوگیا ہے۔ آگ اتنی شدید تھی کہ فائر بریگیڈ کے عملہ نے تقریباً چار گھنٹے کی سخت محنت کے بعد آگ پر قابو پایا۔
واضح رہے کہ یہ معاملہ مہوبہ شہر کوتوالی کے گاندھی نگر علاقے کے قریب واقع خاتون ضلع ہسپتال کے پاس کا ہے، جبکہ آگ لگنے کی وجوہات کا پتہ نہیں چل سکا ہے۔
ان دکانوں میں، فرنیچر شاپ، کمپیوٹر فوٹو کاپی، سبزیوں کی دکان، بھوسے کا بڑا گودام وغیرہ شامل ہے۔
مقامی لوگوں نے بتایا کہ وہ گھر میں سو رہے تھے، اچانک گھر کے باہر شور مچا، اور جب گھر سے باہر دیکھا تو سامنے ایک زبردست آگ لگی تھی، اس آگ میں 11 دکانیں جل کر خاکستر ہوگئیں، جس میں تقریباً ایک کروڑ سے زائد کے سامان مکمل طور پر جل کر راکھ ہوگئے۔
