بی آر ڈی میڈیکل کالج ہسپتال میں آکسیجن کی کمی کی وجہ سے تقریبا 60 شیر خوار بچوں کی موت کے بعد ڈاکٹر کفیل خان کو چار سال قبل 22 اگست 2017 کو انہیں ملازمت سے معطل کردیا گیا تھا۔
ریاستی حکومت نے الہ آباد ہائی کورٹ کو مطلع کیا ہے کہ کفیل خان کی معلطل سے متعلق تادیبی اتھارٹی کے حکم کو واپس لے لیا گیا ہے۔
عدالتی کارروائی کے دوران ریاستی حکومت کی نمائندگی کرنے والے ایڈیشنل ایڈووکیٹ جنرل (اے اے جی) منیش گوئل نے عدالت کو بتایا کہ مذکورہ حکم نامہ واپس لے لیا گیا ہے۔ عدالت کی سابقہ ہدایت پر عمل کرتے ہوئے معاملے کو نئے سرے سے آگے بڑھانے کے لیے یہ قدم اٹھا یا جا رہا ہے۔
عدالت نے مذکورہ معاملہ پر سماعت کے لئے 10 اگست کی تاریخ مقرر کر نے کی ہدایت دی ہے ۔
موجودہ رٹ پٹیشن کے ذریعہ ڈاکٹر کفیل نے اپنی معطلی اور مزید انکوائری کو چیلنج کیا ہے۔
مزید پڑھیں:
انہوں نے انکشاف کیا ہے کہ ابتدائی طور پر نو افراد کے خلاف کارروائی کی گئی تھی۔ ڈاکٹر کفیل خان نے عدالت کو بتایا کہ درخواست گزار کے ساتھ معطل ہونے والوں میں سے سات افراد کو بحال کر دیا گیا ہے۔
