بغیر اجازت فلم کی شوٹنگ کر رہے اداکار پولیس کی آمد پر فرار

گجرولہ قصبے میں دیہاتی فلموں کے اداکار شیخ چیلی بنا پرمیشن شوٹنگ کرنا بھاری پڑ گیا۔ پولیس کے آنے کے بعد اداکار اور فلم یونٹ کو فرار ہونا پڑا۔

ریاست اتر پردیش کے ضلع امروہہ کے گجرولہ تھانہ علاقے میں دیہاتی فلموں کے مشہور ترین اداکار شیخ چیلی کی فلم شوٹنگ ایک سنار کی دکان میں شروع ہونے پر دیکھنے کے لیے بھاری تعداد میں ہجوم جمع ہو گیا جس کے بعد موقع پر آئی پولیس نے اس ہجوم کو قابو کرنے کے لیے معمولی لاٹھی چارج کرنا پڑا۔

اس متعلق جب اداکار شیخ چیلی سے بات کی گئی تو اُنہوں نے بتایا کی یہ ایک فلم کا بہت چھوٹا ویڈیو شوٹ تھا جس کے لیے اجازت لینے کی کوشش کی گئی تھی لیکن اجازت نہیں مل پائی تھی۔ لیکن جب اس فلم کی شوٹنگ کی گئی تو موقع پر ہجوم لگ گیا جس وجہ سے یہ معاملہ ہوا۔ اُنہوں نے کہا کی اُن کی وجہ سے کسی کو پریشانی ہوئی تو وہ معافی چاہتے ہیں۔