حج کمیٹی آف انڈیا، ممبئی نے حج 2020 کے لئے نئی گائیڈ لائن کے مطابق سبھی حجاج کرام کو اپنے فارم آف لائن نہیں بلکہ آن لائن بھرنے ہوں گے۔ اس کے لیے یوپی حکومت نے سبھی اضلاع میں حج فیسیلیٹیشن سینٹر کھولے ہیں۔
حج کمیٹی آف انڈیا بھلے ہی عازمین حج کی سہولت کے لئے آن لائن فارم بھرنے کو کہا ہے، لیکن جو کم پڑھے لکھے لوگ ہیں یا گاؤں دیہات کے رہنے والے ہیں ان سے سائبر کیفے والے آن لائن فارم بھرنے کے عوض میں من مانا پیسہ وصول کر رہے ہیں۔
ایک فارم کے لیے جہاں محض 50 سے 100 روپے تک لگنے چاہیے تھے، وہیں اس کے لئے وہ عازمین حج سے 500 سے لے کر 1000 روپے تک وصول کر رہے ہیں۔
سیتاپور کے محمد متین نے ای ٹی وی بھارت کو بتایا کہ وہ اپنی اہلیہ کے ساتھ مقدس سفرپر جانا چاہتے ہیں۔ ان سے آن لائن فارم بھرنے کے لئے چار سو روپے لیے گئے۔ اس طرح دونوں کا کل 800 روپے دینا پڑا۔
انہوں نے کہا کہ سائبر کیفے والے فارم بھرنے کے بعد لوگوں کو ویریفیکیشن کے لیے لئے لکھنؤ اسٹیٹ حج کمیٹی بھیجتے ہیں، جبکہ یہ بالکل غلط ہے۔
خادم الحجاج ایم ایس جعفری نے بتایا کہ حج کمیٹی انتظامیہ اور دیگر ذمہ داران کا صاف کہنا ہے کہ جن لوگوں نے آن لائن فارم بھر دئے ہیں، انہیں لکھنؤ آنے کی قطعی ضرورت نہیں ہے۔
جعفری نے ای ٹی وی بھارت کے ذریعہ اپیل کرتے ہوئے کہا کہ مقدس سفر پر جانے والے آن لائن فارم بھرنے کے بعد محض ویریفیکیشن کے لیے لکھنؤ نہ آئیں۔
اگر وہ یہاں آئیں گے تو ان کا وقت ضائع ہوگا اور پیسہ بھی خرچ ہوگا۔
