ریاست اترپردیش کے غازی آباد میں واقع ایم ایم جی ہسپتال میں زیر علاج پروین نے ڈاکٹر پر الزام عائد کرتے ہوئے کہا کہ ڈاکٹر نے بیماری کے بارے میں بات کرنے کے بجائے ان سے بدتمیزی کی ہے۔
جس کے بعد ڈاکٹر آر سی گپتا نے بتایا کہ انہوں نے صرف دوا تجویز کی تھی ۔
اس کے بعد خاتون نے دیگر بیماریاں بتانا شروع کردیں۔ جس کے بعد ڈاکٹر نے خاتون کے جسم میں خون کی کمی کا انکشاف کرتے ہوئے جانچ کے لئے بھیج دیا۔
جانچ رپورٹ میں خون کی کوئی کمی نہیں پائی گئی یہ اطلاع ملنے کے بعد خاتون ڈاکٹر سے گالی گلوچ کرنے لگی۔ اس کے بعد ڈاکٹر نے 100 نمبر پر کال کرکے پولیس کواس کی اطلاع دی۔
موقع پر پہنچی پولیس نے خاتون اور اس کے والد کوسمجھا بجھا کر خاموش کیا اور ضروری دوائیں دلوا کر ہسپتال سے روانہ کر دیا گیا۔
