جیسے ہی زہر کھانے کسنت کمار کی طبیعت بگڑنے لگی تو اس کے کنبہ کے افراد جلدی سے انہیں علاج کے لئے نجی اسپتال لے گئے، جہاں سنت کمار علاج کے دوران ہی ہلاک ہو گئے۔
پولیس نے سنت کمار کی نعش قبضہ میں لے کر پوسٹمارٹم کے لئے روانہ کردی اور واقعے کی تفتیش شروع کردی۔
در اصل سنت کمار کی نابالغ بیٹی ٹیوشن جاتے ہوئے 17 جون کو اچانک غائب ہوگئی۔ جس کے بعد شک کی بنیاد پر سنت کمار نے دونوں پڑوسی نوجوانوں پر الزام لگاتے ہوئے پولیس اسٹیشن میں شکایت کرتے ہوئے تحریر دی تھی۔
سنت کمار نے بتایا کہ محلے میں رہنے والے دو نوجوانوں نے اس کی بیٹی کو بہکا کر اغوا کیا تھا۔جس کے بعد 19 جون کو پولیس نے مقدمہ درج کیا تھا اور واقعے کی چھان بین کی جارہی تھی۔
لیکن کئی دن گزر جانے کے بعد بھی بیٹی کے نہ ملنے پر سنت کمار نے غصہ مین آکر زہر کھا لیا اور علاج کے دوران اس کی موت ہوگئی۔جبکہ پولیس نے کارروائی کرتے ہوئے سنت کمار کی موت کے بعد اس کی نابالغ بیٹی بر آمد کر لیا گیا۔
وہیں جو شخص نابالغ لڑکی کو لے کر گیا تھا اسے بھی گرفتار کرلیا گیا۔ پولیس واقعے کی تحقیقات کر رہی ہے۔
