ایک طرف جہاں کسان زرعی قوانین کے خلاف دہلی سرحد پر احتجاج کر رہے ہیں وہیں، دوسری طرف نوئیڈا کے سرکاری افسران مرکزی حکومت اور یو پی کی ریاستی حکومت کے ذریعہ کسانوں کے لئے چلائی جا رہی مختلف فلاحی اسکیمز کے بارے معلومات فراہم کرنے میں مصروف ہیں۔
نوئیڈا میں کسانوں کے لئے چلائی جا رہی مختلف فلاحی اسکیمز کے بارے معلومات فراہم کرنے کے لئے ایک پروگرام کا اہتمام کیا گیا۔ بلاک سطح کے اس پروگرامز میں گرینڈ اسٹالز کا بھی اہتمام کیا گیا۔ پروگرام میں 400 سے زائد کسانوں نے شرکت کی۔
اس موقع پر چیف ڈیولپمنٹ افیسر انل کمار سنگھ نے کہا کہ 'حکومت کاشتکاروں کے مفاد میں مستقل طور پر کام کر رہی ہے۔'
اس موقع پر محکمہ زراعت کے ذریعہ اسکیم کے تحت ٹریکٹروں اور زرعی آلات اور کے سی سی کے 10 مستحقین کو سرٹیفکیٹ بھی تقسیم کیا گیا ہے۔
پروگرام میں قومی دیہی ذریعہ معاش مشن کی تیار کردہ مصنوعات جیسے ماسک، دستکاری کی نمائش، نامیاتی زرعی مصنوعات کی نمائش اور دیگر محکموں کے اسٹال لگائے گئے تھے۔
یہ بھی پڑھیں: کرناٹک: گئوکشی کے نئے قانون کے تحت پہلی گرفتاری
اس موقع پر ڈسٹرکٹ ڈویلپمنٹ آفیسر انور شیخ، ڈپٹی ڈائریکٹر زراعت ڈاکٹر منویر سنگھ، چیف ویٹرنری آفیسر، ڈسٹرکٹ ہارٹیکلچر آفیسر شیوانی تومر، اسسٹنٹ رجسٹرار کوآپریٹو وی پی اپادھیائے، ضلع پنچایت راج آفیسر وغیرہ موجود تھے۔
