'زرعی قوانین کی منسوخی کے علاوہ کچھ بھی منظور نہیں'

کسانوں کا کہنا ہے کہ 'جب تک ہم دہلی نہیں جاتے یا حکومت ہمارے مطالبات تسلیم نہیں کرتی، ہماری تحریک مزید سخت ہوتی جائے گی۔ کب تک کسان بھیک مانگتے رہیں گے۔ اب ہم اپنا حق تحریک سے حاصل کریں گے۔'

ریاست اترپردیش کے نوئیڈا-دہلی سرحد پر زرعی قوانین کے خلاف تحریک کر رہے کسانوں کا کہنا ہے کہ 'کالے قوانین کی منسوخی اور واپسی کے علاوہ انہیں کچھ بھی منظور نہیں ہے۔ اگر یہ کالا قانون واپس نہیں لیا جائے گا تو دہلی جانے والے تمام راستوں کو سیل کر دیا جائے گا۔'

کسانوں کا کہنا ہے کہ 'جب تک ہم دہلی نہیں جاتے یا حکومت ہمارے مطالبات تسلیم نہیں کرتی، ہماری تحریک مزید سخت ہوتی جائے گی۔ کب تک کسان بھیک مانگتے رہیں گے۔ اب ہم اپنا حق تحریک سے حاصل کریں گے۔'

کسانوں نے کہا کہ 'حویلیوں اور بنگلوں میں رہنے والے سرکاری نمائندوں کو کسانوں کی تکلیف کا احساس کیسے ہو گا۔'

وہیں ایٹہ، آگرہ، علی گڑھ ، اٹاوہ اور متھرا سے بڑی تعداد میں کسان نوئیڈا پہنچ چکے ہیں۔

کسانوں کی تحریک کو دیکھتے ہوئے این سی آر کے تین اضلاع میں اضافی پے اے سی بھیجی گئی ہے۔

نوئیڈا اور غازی آباد میں دو دو پی اے سی کی اضافی کمپنیاں تعینات کی گئی ہیں۔

بتایا جا رہا ہے کہ 'حکومتوں کو کسانوں کی تحریک کی شدت کا احساس ہے۔ اس لئے کسی بھی نا خوشگوار حالات سے نمٹنے کے لئے تمام احتیاطی تدابیر اختیار کئے جا رہے ہیں۔'