ریاست اتر پردیش کے سہارنپور میں بھارتیہ کسان سنگھ کے کارکنان اپنے مختلف مطالبات کو لے کر ڈسٹرکٹ مجسٹریٹ دفتر پہنچے اور مظاہرہ کیا۔
اطلاعات کے مطابق ڈسٹرکٹ مجسٹریٹ نے میمورنڈم لینے سے انکار کر دیا۔ میمورنڈم نہ لینے پر کسانوں نے کلکٹریٹ پر دھرنا شروع کر دیا، کسانوں کا مطالبہ تھا کہ میمورنڈم صرف ضلع مجسٹریٹ کو ہی دیا جائے گا۔
بھارتیہ کسان سنگھ کے کارکنان اپنے مختلف مطالبات پر مبنی میمورنڈم ڈی ایم کے ذریعہ صدر جمہوریہ کو بھیجنے کی مانگ کی۔
یہ بھی پڑھیں: مظفر نگر میں کسان مہاپنچایت کے بعد جاٹ اور مسلمانوں میں نزدیکیاں بڑھیں
کسانوں کا کہنا تھا کہ ڈسٹرکٹ مجسٹریٹ ہمارا میمورنڈم لینے کے لئے نہیں پہنچے، جبکہ وہ وہیں موجود تھے۔ جس وجہ سے کسان اپنی بے عزتی محسوس کررہے ہیں، جب تک ڈسٹرکٹ مجسٹریٹ یہاں آکر میمورنڈم نہیں لیتے کسان کلکٹریٹ آفس میں احتجاج کرتے رہیں گے۔
انہوں نے کہا کہ ڈی ایم کو ہمارا میمورنڈم لینا ہی ہوگا۔
