اترپردیش کے نوئیڈا میں 100 دنوں سے 81 گاؤں کے کسان اپنے مطالبات کے پیش نظر نوئیڈا اتھارٹی Farmers protest against Noida Authority کے خلاف احتجاج کر رہے ہیں۔ لیکن اب تک کوئی نتیجہ برآمد نہیں ہوا ہے۔
اس دوران کسان رہنما سکھبیر خلیفہ سمیت آج 10 کسان نوئیڈا اتھارٹی کے سامنے بھوک ہڑتال Farmers on hunger strike پر بیٹھ گئے ہیں۔ کسانوں کا کہنا ہے کہ 'جب تک ان کے مطالبات پورے نہیں ہوتے بھوک ہڑتال جاری رہے گی۔
نوئیڈا اتھارٹی کے خلاف جاری احتجاج کو تقریباً 4 ماہ مکمل ہونے والے ہیں۔ لیکن کسان اور اتھارٹی کے درمیان مسائل اب تک حل نہیں ہوئے ہیں۔ نوئیڈا اتھارٹی کے گیٹ پر جاری مظاہرے میں خواتین کی بڑی تعداد حصہ لے رہی ہے۔ سیکورٹی کے پیش نظر پولیس کی بھاری نفری موقع پر تعینات ہے۔
مزید پڑھیں؛
کسان رہنما سکھبیر خلیفہ کا کہنا ہے کہ ہم اپنے مطالبات کے لیے 4 ماہ سے جمہوری طریقے سے احتجاج کر رہے ہیں۔ کسانوں نے ہر طرح سے اپنی بات حکومت تک پہنچانے کی کوشش کی ہے۔ لیکن اب تک کسانوں کے مسائل حل نہیں ہوئے۔ اب گاندھیائی انداز میں ہڑتال پر بیٹھیں گے۔ ہم غیر معینہ مدت تک بھوک ہڑتال پر بیٹھیں گے، جب تک کسانوں کا مسئلہ حل نہیں ہوجاتا۔
