ریاست اترپردیش کے ضلع مظفرنگر میں بھارتیہ کسان یونین امباوتا کی جانب سے متعدد مطالبات کے پیش نظر وزیر اعلی کے نام ضلع انتظامیہ کو ایک میمورنڈم پیش کیا گیا۔
ویڈیو
میمورنڈم کے ذریعے کسانوں نے حکومت سے مطالبہ کیا ہے کہ کورونا وبا کے اس دور میں متعدد کسان آج بھی زرعی قوانین کے خلاف دہلی سرحد پر احتجاج کر رہے ہیں۔ اس لیے حکومت تینوں زرعی قوانین کو واپس لے تاکہ کسان اپنے گھر لوٹ سکیں۔
کسانوں نے کہا کہ ہسپتالوں میں آکسیجن کی کمی کو دور کیا جائے اور بازاروں میں آکسیجن کی بلیک مارکیٹنگ کا خاتمہ کیا جائے، جس سے کورونا مثبت مریضوں کو آسانی سے آکسیجن مل سکے۔
کورونا وبا کے خاتمہ کے لئے ضلع کے تمام بستیوں میں سینیٹائزیشن مہم چلائی جائے، کورونا سے ہلاک شدہ افراد کے اہل خانہ کو 25 لاکھ روپے کا معاوضہ دیا جائے تاکہ ان کی کچھ مدد ہوسکے۔
