بجنور : کسان کی جنگل میں لاش ملنے سے علاقے میں سنسنی

جنگل میں ایک شخص کی لاش ملنے سے علاقے میں سنسنی پھیل گئی، پولیس نے لاش کو پوسٹ مارٹم کے لیے بھیج دیا ہے۔

ریاست اترپردیش کے ضلع بجنور کے رائے پور سادات کے رج پورہ گاؤں کے جنگل میں انیل نامی کسان کی جنگل میں لاش ملی ہے کسان کا گلا گھونٹ کر تیز دھار ہتھیار سے قتل کیا گیا ہے۔

مقتول کے رشتہ داروں کے مطابق انیل کے پاس کسی کا فون آیا تھا تھوڑی دیر بعد فون بند ہوگیا۔ راہگیروں نے اہل خانہ کو کسان کی موت کی خبر دی۔ پولیس موقع پر پہنچی اور لاش کو پوسٹ مارٹم کے لیے بھیج دیا ہے۔

پولیس اس معاملے کی تفتیش کررہی ہے۔ اہلخانہ نے الزام عائد کیا کہ انیل کو جس شخص کا فون آیا تھا وہی اس کا قاتل ہوسکتا ہے۔اہلخانہ نے تھانہ میں تحریر دے دی ہے۔