رامپور: ضمانت ملنے پر اہل خانہ میں خوشی کی لہر

ریاست اترپردیش کے شہر رامپور میں 26 مظاہرین کی ضمانت منظور ہونے کے بعد اب ان کے خاندان کے افراد نے اطیمنان کی سانس لی اور خوشی کا اظہار کیا۔

اس موقع پر انہوں نے انتظامیہ اور دفاعی وکلاء اور علماء کرام کا بھی شکریہ ادا کیا۔

رامپور کی ضلعی عدالت نے 34 مقید مظاہرین میں سے تمام 26 افراد کی ضمانتی درخواستوں پر سماعت کرتے ہوئے اسے منظور کر لیا ہے۔

دراصل رامپور کی جیل میں قید 34 مظاہرین کی جانب سے ملی تنظیموں کے ذمہ داران نے پولیس انتظامیہ سے رہائی کا اپنا مطالبہ تیز کیا تو پولیس افسران نے مقید افراد کے مقدمے پر دوبارہ غور و خوض کرتے ہوئے 26 افراد پر سے سنگین دفعات کو ہٹا دیا ۔

اس کے بعد علماء کی جانب سے وکیل رحمان علی نے 26 افراد کی ضمانت کی درخواتین عدالت میں پیش کیں۔

جس پر سماعت کرتے ہوئے ضلعی جج نے تمام 26 افراد کی ضمانتی درخواستوں کو منظور کر لی ہیں۔

اس پہلے گذشتہ 7 فروری کو ان 26 افراد میں سے 15 افراد کی ضمانتی درخواستیں منظور ہوئی تھیں اور باقی بچیں تمام درخواستیں بھی اب منظور ہو گئی ہیں۔

ضمانتیں منظور ہو جانے کے بعد اب متاثرین کے عزیزوں اور اہل خانہ نے راحت کی سانس لی ہے۔

اس موقع پر انہوں نے اپنے اطمنان کا اظہار کرتے ہوئے انتظامیہ اور دفاعی وکلاء و علماء کرام کا شکریہ بھی ادا کیا۔