اترپردیش کے وزیر جیل اور ہوم گارڈس(آزاد چارج) دھرم ویر پرجاپتی Prison Minister Dharamveer Prajapati نے مفاد عامہ میں آج ایک اہم فیصلہ کیا ہے۔ انہوں نے بتایا کہ 23 مارچ 2022 کو زیر سماعت قیدیوں کے معاملے میں کووِڈ پروٹوکال پر عمل کرتے ہوئے ہفتہ میں دو بار دو فرد کے لیے ملاقات کی سہولت دی گئی تھی لیکن اس میں ترمیم کرتے ہوئے سابقہ کی طرح جیلوں میں بند زیر غور قیدی اپنے اہل خانہ سے ہفتہ میں تین بار ملاقات کر سکتے ہیں اور ہر ملاقات میں تین فرد تک مل سکتے ہیں۔ Families Can Visit Prisoners three times a Week
یہ بھی پڑھیں:
واضح رہے کہ کورونا وبا کے دوران جب پورا ملک پریشان تھا۔ لوگ اپنے گھروں میں قید ہونے پر مجبور ہو گئے تھے۔ ایسے حالات میں یکم جنوری 2022 کو جیل میں بند قیدیوں کی ان کے اہل خانہ سے ملاقات پر پابندی عائد کر دی گئی تھی۔ وزیر پرجاپتی نے بتایا کہ بند قیدی کے اہل خانہ کی طرف سے میرے دفتر میں اس بابت کثیر تعداد میں مکتوبات موصول ہو رہے تھے کہ ملاقات کی تعداد اور ملنے والے افراد کی تعداد میں اضافہ کیا جائے.
انہوں نے کہا کہ صورت حال میں تبدیلی کے مدنظر یہ فیصلہ لیا گیا ہے۔ کیونکہ اب کورونا وبا کا اثر پہلے کے مقابلے میں کافی کم ہو چکا ہے۔ انہوں نے بتایا کہ قیدیوں کے اہل خانہ کی گزارش پر غور وخوض کے بعد مذکورہ فیصلہ کیا گیا ہے۔ وزیر جیل نے بتایا کہ وزیراعلیٰ سے اس ضمن میں مکتوب تحریر کر منظوری طلب کی تھی، جس پر انہوں نے بخوشی منظوری دے دی ہے۔
