لکھنؤ: اترپردیش میں دلتوں، پچھڑوں، غریبوں، محرومین،بے قصوروں پر لگاتار مظالم ہونے کا الزام لگاتے ہوئے سماج وادی پارٹی(ایس پی)سربراہ اکھلیش یادو نے منگل کو کہا کہ جو حکومت ریاست کا مستقل ڈائرکٹر جنرل آف پولیس(ڈی جی پی) نہیں دے سکتی ہے وہ نظم ونسق کیسے درست رکھ سکتی ہے۔ اکھلیش یادو نے کہا کہ ریاست میں نظم ونسق نام کی چیز نہیں ہے۔ ہر طرف لاقانونیت کا دور دورہ ہے۔ قتل،لوٹ،چوری اور عصمت دری کے واقعات میں اضاف ہورہا ہے۔بچیاں اور خواتین محفوظ نہیں ہیں۔ حکومت کے تحفظ یافتہ دبنگوں اور مجرمین کا حوصلہ بڑھا ہوا ہے۔
فیروزآباد میں دبنگوں نے ایک نوجوان کو سزائیں دیں۔ مارا پیٹا اور اس کے ساتھ بربیت کی جسے لے کر حقوق انسانی کمیشن نے حکومت کو نوٹس بھیجا ہے۔انہوں نے کہا کہ بی جے پی حکومت جرائم کنٹرول میں پوری طرح سے ناکام ہے۔ جو حکومت ریاست کا پرماننٹ ڈی جی پی نہیں دے سکتی وہ نظم ونسق کیسے ٹھیک رکھ سکتی ہے۔ بی جے پی حکومت میں کسی کو بھی انصاف نہیں مل رہا ہے۔ کہیں دبنگ اور مجرمین قتل کی واردات کو انجام دے رہے ہیں تو کہیں پولیس بے قصوروں کو پیٹ کر،انکاونٹر میں مار دیتی ہے۔ ریاست میں چوری اور لوٹ کے واردات بہت بڑھ گئے ہیں۔
ملک میں سب سے زیادہ فرضی انکاونٹر اترپردیش کی بی جےپی حکومت میں ہوئے ہیں۔ حقوق انسانی کمیشن نے اس سلسلے میں سب سے زیادہ نوٹس اترپردیش حکومت کو بھیجا ہے۔ بی جے پی حکومت کو نظم ونسق اور آئین کی کوئی پرواہ نہیں ہے۔ حکومت مجرمین کے خلاف کاروائی کرنے کے بجائے بے قصور لوگوں کو جھوٹے معاملات میں پھنساتی ہے اور پریشان کرتی ہے۔ اکھلیش یادو نے کہا کہ میرٹھ میں اتوار کو ایک ہی دن میں چا لوگوں کا قتل ہوگیا۔ ریاست کے دیگر اضلاع میں یومیہ قتل کی واردات ہوتی ہیں۔ ایک طرف مجرمین سرعام قتل کی واردات کو انجام دے کر لوگوں میں دہشت پیدا کرتے دیتے ہیں۔ وہیں دوسری طرف حکومت جرائم کنٹرول اور نظم ونسق کے ہوائی دعوے کر اپنی پیٹھ تھپتھپا کر عوام کو دھوکہ دے رہی ہے۔سماج وادی پارٹی لگاتار مطالبہ کررہی ہے کہ حکومت ریاست کے ٹاپ ٹین مافیاوں کی فہرست جاری کرے لیکن حکومت فہرست کیوں نہیں جاری کررہی ہے۔
یواین آئی
