محمد ثاقب عالم نے جامعہ ملیہ اسلامیہ سے گریجویشن کے بعد مہندرا کمپنی میں ملازمت حاصل کی، ملازمت کے دوران ہی میں نے فیصلہ کیا کہ یوپی ایس سی مقابلہ جاتی امتحان کی تیاری کی جائے۔ اس کے ذریعے ملک اور عوام کی خدمت کرنے کا بہترین موقع ملتا ہے۔ اس کے لیے انہوں نے پوری دلجمعی کے ساتھ محنت کی اس دوران ثاقب نے ملازمت بھی ترک کردی اور محنت سے تیاری کی۔ UPSC Qualified Saquib Alam
ثاقب نے کہا کہ بچپن سے ہی اسلامی احکامات پر عمل کرنے اور اور اللہ کے رسولﷺ کی سیرت کہ مطالعہ کر اس پر عمل کرنے کی ہر ممکن کوشش کرتا تھا۔ تیاری کے دوران بھی ان تمام چیزوں پر عمل کرتا رہا اور اور بزرگان دین اور اللہ کے رسولﷺ کے سیرت کو اپنی زندگی میں اپنانے کی کوشش کی جس کا نتیجہ یہ رہا کہ وقت کی پابندی اور دلجمعی کے ساتھ کتابوں کا مطالعہ کرنا آسان ہوتا گیا اسی سے کامیابی حاصل ہوئی ہے۔
انہوں نے کہا کہ یو پی ایس سی کی تیاری کے لیے جو طلبا و طالبات آتے ہیں ان کو کچھ بنیادی باتوں کا خیال رکھنا چاہیے، جس سے کامیابی حاصل ہو سکتی ہے۔ انہوں نے کہا کہ جو بھی تیاری کرنے کے لیے پر عزم ہیں ان کو پوری دلجمعی کے ساتھ کتابوں کا مطالعہ کرنا چاہیے اور یو پی ایس سی نصاب کے متعلق معلومات حاصل کریں، ایمانداری اور دیانتداری کے ساتھ پڑھنا چاہیے۔
ثاقب نے دوسری اہم بات یہ بتائی کہ جو لوگ تیاری کر رہے ہیں اور کامیابی حاصل نہیں کر پا رہے ہیں وہ اپنے آپ کو بیکار نہ سمجھیں بلکہ ان کو کامیاب زندگی گزارنے کے کئی راستے ہیں بعض افراد این جی او چلاتے ہیں تو کوئی کوچنگ سنٹر میں تعلیم دیتے ہیں۔ اگر کوئی طالب علم کچھ بھی نہ کر پائے تو تعلیم سے اس کی زندگی میں حیرت انگیز تبدیلیاں ہوتی ہیں اور یہ بہت اہم ہے۔
ثاقب عالم نے قرآن اور حدیث سے بھی دلچسپی کا ذکر کرتے ہوئے کہا کہ قرآن و حدیث مطالعہ کرنے کا ذوق رہا ہے اور اللہ کے رسولﷺ کی سیرت کا بھی مطالعہ کرتے ہیں، جس سے انسانی حقوق، آپسی بھائی چارہ اور اخلاقیات کا عمدہ درس ملتا ہے۔ انہوں نے سائیکلوجی مضمون منتخب کرنے کی وجہ بھی بتائی کہ میری دلچسپی اس مضمون میں اس لیے رہی کیونکہ میں ٹیکنیکل بیک گراؤنڈ سے آتا ہوں اور اس مضمون میں بھی کئی ساری ٹیکنیکل چیزیں سامنے آتی ہیں، جس سے نتیجہ اخذ کرنا آسان ہوتا ہے۔ انسانوں کے حرکات وسکنات کے ذریعے اس کے مقاصد کو سمجھنا انتہائی مشکل ہوتا ہے، لیکن سائیکلوجی ایک دلچسپ مضمون ہے۔ اس کو پڑھنے میں مزا آتا ہے۔
یہ بھی پڑھیں: Mohammad Saqib's success in UPSC: محمد ثاقب کی یو پی ایس سی میں کامیابی سے اہل خانہ میں خوشی
