اسدالدین اویسی بھاگیداری سنکلپ مورچہ کا حصہ نہیں!

اترپردیش اسمبلی انتخابات کے پیش نظر سبھی سیاسی پارٹیاں اپنا ووٹ بینک مضبوط کرنے کے لیے پرزور تیاریوں میں مصروف ہیں۔ کچھ سیاسی جماعتیں ایک دوسرے سے اتحاد کے لیے بھی سرگرم ہیں۔

اترپردیش اسمبلی انتخابات کے حوالے ای ٹی وی بھارت کے نمائندے نے سہیل دیو بھارتی سماج پارٹی کے قومی صدر کے بیٹے نے ارون راج بھر سے خاص بات چیت کرتے ہوئے کہا کہ سابق وزیر اعلی اکھلیش یادو سے ہم لوگوں نے ملاقات کی ہے۔ آنے والے اسمبلی انتخابات ساتھ لڑنے کا فیصلہ کیا گیا ہے، چونکہ بھاگیداری سنکلپ مورچہ کے قائد اوم پرکاش راج بھر کو کہا گیا تھا کہ بی جے پی اور کانگریس علاوہ کسی بھی پارٹی سے اتحاد کی بات کریں، اس لیے سماج وادی پارٹی کے قومی صدر اکھلیش یادو سے ملات کر کے اتحاد پر بات کی ہے اور آنے والے اسمبلی انتخابات میں اکھلیش یادو کو وزیر اعلی بنانے کے لیے جد و جہد کریں گے۔'

انہوں نے کہا کہ اسدالدین اویسی بھاگیداری سنکلپ مورچہ میں ان آفیشل طور پر شامل ہیں، تاہم آفیشلی طور پر وہ سنکلپ مورچہ کا حصہ نہیں ہیں۔ لہذا ان سے گفتگو کا سلسلہ جاری ہے۔ سماجوادی پارٹی سے اتحاد کے بعد مورچہ کا حصہ رہیں گے یا نہیں رہیں گے یہ بات چیت مکمل ہونے پر ہی پتہ چلے گا۔' انہوں نے کہا کہ مئو میں پسماندہ ،دلت، آدیواسی سماج کی مہا پنچایت ہونے جارہی ہے۔ اتحاد میں کون شامل ہوگا کون نہیں شامل ہوگا، یہ اسی وقت اعلان کردیا جائے گا'۔ انہوں نے کہا کہ بھارتیہ جنتا پارٹی نے ہم لوگوں کو دھوکا دیا ہے۔ انہوں نے جو وعدے کیے تھے اس میں سے کوئی بھی وعدہ پورا نہیں کیا۔ یہی وجہ ہے کہ سہیل دیوں بھارتی سماج پارٹی نے ان سے اپنا رشتہ توڑ لیا اور آنے والے انتخابات کے بعد 4 سو نشستوں پر کامیابی حاصل کر کے اکھلیش یادو کو وزیر اعلی بنایا جائے گا۔'

غور طلب ہے کہ اوم پرکاش راج بھر کی قیادت میں بھاگیداری سنگل مورچہ کا ایک طرف مئو ضلع میں مہا پنچایت ہے تو دوسری طرف اسدالدین اویسی مظفرنگر میں ریلی سے خطاب کیے ہیں۔ ایک ہی دن میں دو جگہ کا پروگرام اس جانب اشارہ کر رہا ہے کہ کیا اسد الدین اویسی مورچہ کا حصہ ہیں یا نہیں؟