بارہ بنکی: سات ماہ بعد بھی طلبا اسکول آنے سے خائف

ضلع بارہ بنکی میں تمام اسکول کھل گئے ہیں لیکن اس کے باوجود کورونا کے خوف سے طلبا اسکول ابھی بھی نہیں آرہے ہیں۔ اسکولوں میں راضی نامے کے ساتھ طلبا کے والدین کی آمد پر ہی داخلہ دیا جا رہا ہے۔ اس وجہ سے بھی طلبا زیادہ تعداد میں اسکول نہیں پہنچ سکے۔

ریاست اترپردیش کے ضلع بارہ بنکی میں آج درجہ نو سے بارہویں تک کے تمام اسکول کھل گئے ہیں۔ سات ماہ بعد اسکول کھلنے کے باوجود طلبا نے اسکول آنے میں زیادہ دلچسپی نہیں دکھائی۔ اسکولوں میں راضی نامے کے ساتھ طلبا کے والدین کی آمد پر ہی داخلہ دیا جا رہا ہے۔ اس وجہ سے بھی طلبا زیادہ تعداد میں اسکول نہیں پہنچ سکے۔

وہیں اس بات سے بھی انکار نہیں کیا جا رہا ہے کہ طلبا میں ابھی بھی کورونا وائرس کا خوف بنا ہوا ہے۔

بارہ بنکی کے عظیم الدین اشرف اسلامیہ انٹر کالج میں پہلے روز تمام کلاس روم خالی ہی نظر آئے۔ کووڈ-19 سے تحفظ کے تمام انتظامات کے باوجود یہاں زیادہ طلبا نظر نہیں آئے۔

سات ماہ بعد بھی طلبا اسکول آنے سے خائف

اسکول میں صرف این سی سی کیڈٹ ضرور اچھی خاصی تعداد میں نظر آئے۔ اسکولوں میں حکومتی گائیڈلائن کے مطابق راضی نامے پر دستخط کے ساتھ ہی طلبا کو داخلہ دیا جا رہا ہے۔ اس وجہ سے کافی طلبا کو واپس بھی لوٹنا پڑا۔ لیکن اسکول انتظامیہ اس بات سے بھی انکار نہیں کر رہا ہے کہ طلبا کے والدین میں ابھی بھی کورونا وائرس کا خوف بنا ہوا ہے۔ جس کی وجہ سے اسکولوں میں طلبا کی آمد نہیں ہو سکی ہے۔