ریاست اترپردیش کے شہر بارہ بنکی کے فتحپور میں نگر پنچایت کے لیے 14 جنوری کو ہونے والے ضمنی انتخابات کی ذمہ داری نبھانے والے ملازمین کی ٹریننگ کلکٹریٹ کے آڈٹوریم میں کرائی گئی۔
اس تربیتی پروگرام میں تمام ان ملازمین نے شرکت کی جنہیں حق رائے دہی کا فرض انجام دینا ہے، ان ملازمین کو ماسٹر ٹرینر نے تمام موضوعات پر تفصیل سے تربیت فراہم کی۔
خیال رہے کہ فتحپور نگر پنچایت کی چئیرمین ریشما مشکور کا دو مہینے قبل انتقال ہو گیا تھا، جس کے بعد یہ سیٹ خالی ہوگئی تھی۔
یاد رہے کہ اس عہدے کے لیے ضمنی انتخابات میں کل چار امیدوار میدان میں ہیں، جبکہ 14 جنوری کو ہونے والی حق رائے دہی میں کوئی کمی نہ رہ جائے اس کے لیے 40 مراکز بنائے گئے اور ملازمین کو ٹریننگ دی گئی۔
غور طلب رہے کہ فتح پور نگر پنچایت میں کل 36 پولنگ مراکز ہیں، اس کے علاوہ انتظامیہ نے چار ٹیمز الگ سے قیام کی ہیں، تاہم پورے انتخابی عمل میں 160 ملازم تعنیات کیے گئے ہیں۔
