ریاست اترپردیش کے ضلع علی گڑھ میں واقع معروف تعلیمی ادارہ علی گڑھ مسلم یونیورسٹی کے معین الدین احمد آرٹس گیلری میں منعقدہ تین روزہ تخلیقی خطاطی ورکشاپ کے شرکاء کو بنگلہ دیش کے معروف خطاط محبوب مرشد نے تربیت دی،محبوب مرشد جو عربی اور بنگلہ زبانوں کے مشہور خطاط ہیں۔ ایوارڈ تقریب کا اہتمام معین الدین احمد آرٹ گیلری میں ورکشاپ اور نمائش کے آخری دن کیا گیا،اس ورکشاپ میں فائن آرٹس اور اے ایم یو کے دیگر شعبہ جات کے 60 سے زائد طلباء و طالبات نے حصہ لیا۔Eminent Calligraphist Conducts Creative Workshop
اے ایم یو کی معین الدین احمد آرٹس گیلری میں منعقدہ تین روزہ تخلیقی خطاطی ورکشاپ کے دوران کشش گرگ (بی ایف اے، فرسٹ سمسٹر)، محمد جاوید خاں (ایم ایف اے، دوئم سمسٹر) اور مدحت حسین (ایم ایف اے، فرسٹ سمسٹر) نے بہترین خطاطی کے ایوارڈ حاصل کیے۔ ورکشاپ کوآرڈینیٹر پروفیسر بدر جہاں نے بتایا کہ طلباء کو محبوب مرشد کی گفتگو اور سلائیڈ پریزنٹیشن سے بہت فائدہ ہوا، جنہوں نے بطور خطاط اپنے تخلیقی سفر اور تجربات سے بچوں طلبا و طالبات کو فائدہ پہونچایا،ور تخلیقی خطاطی کے اپنے مخصوص انداز اور تکنیک کے بارے میں انھیں بتایا۔
پروفیسر بدر جہاں نے ورکشاپ میں ایوارڈ جیتنے والوں کو مبارکباد پیش کی اور بنگلہ دیشی فنکار کے تئیں اظہار تشکر کیا۔ تقریب کی مہمان خصوصی پروفیسر آذرمی دخت صفوی نے ممتاز بنگلہ دیشی فنکار کو ایک یادگاری نشان پیش کیا، جو کہ کئی قومی اور بین الاقوامی اعزازات سے سرفراز کئے جاچکے ہیں۔ پروفیسر بدر جہاں نے کہا کہ طلباء و طالبات کے فائدے کے لیے معین الدین احمد آرٹ گیلری میں پینٹنگز کی مختلف تخلیقی تکنیکوں کی ورکشاپ کاآئندہ بھی انعقاد کیا جائے گا۔
مزید پڑھیں:AMU Research Association اے ایم یو کے ریسرچ ایسوسی ایشن شعبہ اردو کے زیراہتمام ادبی پروگرام منعقد
