آج عید الاضحی کا دن ہے۔ عالم اسلام میں یہ دن کافی اہمیت کا حامل ہے۔ اس عید کو عید قرباں بھی کہا جاتا ہے۔ دراصل سنت ابراہیمی پر عمل کرتے ہوئے فرزندان توحید اللہ کی راہ میں اپنے جانوروں کی قربانی کرتے ہیں۔
قربانی کے عمل سے پہلے تمام مسلمان عید الاضحی کی دو رکعت نماز بھی ادا کرتے ہیں۔ لیکن اس مرتبہ کورونا وائرس کی وباء کی وجہ سے اترپردیش میں ہفتہ اور اتوار کا لاک ڈاؤن جاری ہے اس لیے رامپور یہ عید کافی مختلف نظر آ رہی ہے۔
سماجی فاصلہ کو برقرار رکھنے کی وجہ سے کسی بھی اجتماع کی یہاں کوئی اجازت نہیں ہے اس لیے مسلمان اس پر عمل کرتے ہوئے عید کا اہتمام اپنے گھروں پر رہ کر ہی کر رہے ہیں۔
مساجد میں صرف پانچ نمازیوں کو جانے کی اجازت ہے۔ یہی وجہ ہے کہ جامع مسجد رامپور میں صرف پانچ افراد نے نماز عید الاضحی ادا کی۔ عید الاضحی کی نماز بھی یہاں آج نائب امام جامع مسجد مولانا حثیب احمد نے پڑھائی۔ اس موقع پر انہوں نے عوام سے صبر کرنے اور گھروں پر رہنے کی تلقین کی۔
