شیعہ سنی مرکزی چاند کمیٹیوں نے مسلمانوں سے اپیل کی ہے کہ 'وہ اتوار کے روز عیدالاضحیٰ یعنی بقرعید کا چاند دیکھنے کی کوشش کریں۔ عیدالاضحیٰ کی تاریخ کا اعلان چاند نظر آنے کے بعد کیا جائے گا۔
مرکزی چاند کمیٹی فرنگی محل کے صدر اور امام عیدگاہ مولانا خالد رشید فرنگی محلی کی سرپرستی میں عیدالاضحیٰ کا چاند عیش باغ عیدگاہ سے دیکھا جائے گا۔
مسلمانوں کے بڑے تہواروں میں سے ایک عیدالاضحیٰ بھی اہم تہوار ہے، جسے بقرعید کے نام سے بھی جانا جاتا ہے۔ اس تہوار میں مسلمان اللہ کی راہ میں حلال جانور کی قربانی کرتے ہیں اور اس کا حصہ غریبوں اور مساکین میں تقسیم کرتے ہیں۔
عیدالاضحیٰ کی تاریخ کا اعلان ہوتے ہی دیہی علاقوں کے تاجروں اور کسانوں کی بڑی تعداد جانوروں کی منڈیوں میں اپنے جانور بیچنے کے لئے شہر آتی ہے، جو ملک بھر میں ایک بڑا کاروبار شمار کیا جاتا ہے۔
