ای ڈی Enforcement Directorate کی ٹیم نے آج صبح غازی آباد کے اندرا پورم کی شپرا سنسٹی سوسائٹی کے ریگالیا ہائٹس میں رہنے والے سی اے سمیر تریہان کے فلیٹ نمبر-1306 پر چھاپہ مارا۔ ٹیم کی آمد سے قبل ہی سمر فلیٹ بند کرکے اہل خانہ کے ساتھ فرار ہوگیا۔ موصولہ اطلاعات کے مطابق ٹیم صبح 6 سے 7 بجے کے قریب پہنچی، تالہ توڑ کر ٹیم نے فلیٹ میں چھان بین شروع کی، جو تاحال جاری ہے۔ مقامی لوگوں سے ملی معلومات کے مطابق سمیر تریہان گھر سے سی اے کا کام کرتا تھا۔ اس نے ایک کمپنی کے کالے دھن کو وائٹ کیا تھا۔
یہاں سے ای ڈی کو سمیر تریہان کے بارے میں معلومات ملی اور اب تحقیقات شروع ہو گئی ہے۔ مقامی لوگوں کا یہ بھی کہنا تھا کہ سمیر نے پچھلے ڈھائی سال سے سوسائٹی کا مینٹیننس چارج جمع نہیں کرایا ہے۔ آر ڈبلیو اے کی جنرل باڈی میٹنگ میں عہدیداروں نے سمیر سے تقریباً 60-70 ہزار روپے کے واجبات جمع کرنے کو کہا تھا۔ لوگوں میں یہ بحث بھی ہے کہ سمیر نے دہلی-این سی آر میں فلیٹ بھی خریدے ہیں۔ اس کے علاوہ ان کی 4 سے 5 گاڑیاں بھی سوسائٹی کی پارکنگ میں کھڑی ہیں۔
