لاک ڈاؤن کے باوجود نوئیڈا میں نشہ اور ریو پارٹیوں کا عمل رکنے کا نام نہیں لے رہا ہے۔ اتوار کی صبح بڑی کارروائی کرتے ہوئے 13 طلباء اور طالبات کو پولیس نے گرفتار کیا تھا۔ وہیں دیر رات نوئیڈا کے علاقے یمنا کھادر کے فارم ہاؤس پر چھاپے مارے گئے ہیں۔ جہاں نشہ پارٹی چل رہی تھی۔ پولیس نے 61 نوجوانوں اور لڑکیوں کو گرفتار کیا ہے۔ ان میں 45 لڑکے اور 16 لڑکیاں شامل ہیں۔ فارم ہاؤس سے بھاری مقدار میں شراب اور دیگر نشہ آور اشیاء برآمد ہوئی ہیں۔
موصولہ اطلاع کے مطابق کوتوالی ایکسپریس وے کے علاقے سیکٹر 135 میں واقع فارم ہاؤس میں رات کے کرفیو کے دوران "ڈرگ پارٹی" چل رہی تھی۔ پولیس کو اطلاع ملی اور چھاپہ مار کارروائی کی گئی۔
اتوار کی شام پولیس نے فارم ہاؤس سے 61 افراد کو گرفتار کیا۔ اس میں 45 نوجوانوں اور 16 لڑکیوں کو گرفتار کیا گیا ہے۔ گذشتہ ایک ہفتے کے دوران ، کوتوالی ایکسپریس وے پولیس نے علاقے میں جاری تیسری "ڈرگ پارٹی میں لوگوں کو گرفتار کیا ہے۔
اے ڈی سی پی رن وجے سنگھ نے بتایا کہ گریٹر نوئیڈا کا رہائشی اے کے چڈھا کا یمنا کے کنارے پر ایک فارم ہاؤس ہے۔ جسے شراب پارٹی کے لئے بُک کیا گیا تھا۔ جب پارٹی کے بارے میں اطلاع ملی تو پولیس نے محکمہ ایکسائز کے ساتھ مل کر فارم ہاؤس پر چھاپہ مارا۔
جیسے ہی پولیس موقع پر پہنچی، پارٹی کرنے والے نوجوانوں میں بھگدڑ مچ گئی۔ لیکن پولیس نے سب کو گھیرے میں لے لیا۔ پولیس نے 16 لڑکیوں اور 45 نوجوانوں کو گرفتار کیا۔ وبائی ایکٹ اور سیکشن 188 کے علاوہ سب کو ایکسائز ایکٹ کے تحت کارروائی کرتے ہوئے گرفتار کیا گیا ہے۔ پولیس نے موقع سے غیر ملکی شراب اور حقہ و دیگر سامان بر آمد کیا ہے۔
