نوئیڈا میں محکمہ میڈیکل اینڈ ہیلتھ کے ذریعہ لیپروسی آگاہی مہم شروع کی گئی۔
اس موقع پر ڈسٹرکٹ مجسٹریٹ بی این سنگھ نے جذام کے خاتمے کے بارے میں ایک منشور جاری کیا، جس میں کہا گیا ہے کہ وہ ضلع کو جذام سے پاک بنانے کے لیے تمام وسائل بروئے کار لائیں گے اور جذام سے متاثرہ شخص کے ساتھ امتیازی سلوک نہیں ہونے دیں گے۔
جذام سے وابستہ بدنامی اور امتیازی سلوک کو ختم کرنے کے لیے ہم مہاتما گاندھی کے نظریات پر عمل کریں گے۔
منشور جاری کرتے ہوئے ضلع کلکٹر نے چیف میڈیکل آفیسر ڈاکٹر انوراگ بھارگو، ایڈیشنل چیف میڈیکل آفیسر اور محکمہ کے نوڈل آفیسر سنیل دوہرے کو ہدایت دی کہ زیادہ سے زیادہ لوگوں کو جذام سے شعوری آگاہی کے لیے پروگرام منعقد کرائیں۔
اسپرش لیپروسی بیداری مہم کے افتتاحی تقریب کے موقع پر پرائمری ہیلتھ سنٹرز میں ہیلتھ میلہ لگایا گیا اور عوام کو جذام کے بارے میں جانکاری دی گئی کہ یہ بیماری چھونے سے نہیں پھیلتی ہے۔
ڈاکٹر سنیل دوہرے نے کہا کہ اگر کسی شخص میں جذام کی علامات ہیں تو اس کا نام رجسٹر میں لکھا جائے گا اور اسے جانچ کے لیے بھیجا جائے گا اور مفت دوا دی جائے گی جب تک کہ اس کا مرض ٹھیک نہیں ہوجاتا۔
انہوں نے بتایا کہ اس مہم کے لیے مائکرو پلان تیار کیا گیا ہے۔ جذام محکمہ کی ٹیم گھر گھر جاکر اس کی علامات کی جانچ کرے گی۔
